صفحاتٌ مشتركةٌ ما بين الفيسبوك وموقع الإمبراطور

 

Khouzama Ali

1
” الرجل الذي يستمر في زواجه عشر سنوات يندرج في قائمة الفلاسفة العظماء حتى ولو لم يتعلم حرفا في الفلسفة ” ماذا تردون ؟
2
في دراسة أخيره
تم اكتشاف بأن شعور الرجل حين يخرج مع زوجته للتسوّق يعادل ألم الولادة مرّتين..
3
فيك تكتشف المنتمين الى احزاب وتيارات بتدفعلهم مصاري على كل بوست وعلى كل حرف ، فيك تعرفهم بعد كل مجزرة ..كيف بيفوتوا بالحيطان وماعاد بتسمعلن صووت ..في منهم مثلا مثقفين “كبار” بيطلعو هيك قد مجرور صرف صحي من الشام للسلمية ..قضوها حكي عن زيارة ترامب للسعودية بينما السلمية التي انجبتهم تموت عبر الريموت كونترول اللي هنون اصلا زر من ازراره
4
دخلت ع مكتبة وشفت أسعار الكتب ..تتراوح بين 600 و2500 ..لفتني ارتفاع سعر كتب اليف شافاق وانخفاض سعر مؤلفات ماركيز ..كما لفتني خارج المكتبة بسطة كتب ..تنقلت بين كتبها وامسكت بكتاب بورق اصفر قديم ..”احب رائحة الورق القديم” الكتاب هذا كان ديوان للنابغة الذبياني ،سألت صاحب البسطة : شو سعر الديوان؟؟ نظر الي بدهشة وقاال: اخيرااا اخيرااااا حدا مسك هالديوان ؟؟ صاحب البسطة سبعيني ..قلي ليكي ياعين عمك .النابغة ارخص شي ..بخمسمية بس ولاحدا قرب عليه ..قلتلو انا بدي ياه …صاح لابنو ولك ابنيي جبلي كام كتاب من هدول الشعراء الجدد وحياة ربي رح اعطيكي ياهم هدية!
ملاحظة : قصده المستشعرين بدواوين لاتعدو النكات اللغوية فعلا
5
بينما كان الدواعش يذبحون سلمية ..كانت الجهات المختصة تلقي القبض على شاب وفتاة يقبلان بعضهما تحت شجرة،بتهمة الاخلال بالأخلاق والآداب العامة !
السلام على سلمية ومن قضى فيها . السللام على من بقي وعلى من يولد فيها !
6
مرة طلبت من الطلاب يكتبوا باختصار عن الصداقة أو صديق مع ذكر شواهد شعرية او مقولات مما يحفظون ..أثناء التصحيح استوقفتتي ورقة لطالب كتب فيها :
“ليس عندي أصدقاء ..لاأحب أن يكون لدي أصدقاء .لأنني سأتعلق بهم كثيرا وسيموتون أو يخونون وسأتألم كثيرا وربما يحدث كما قال الشاعر ياناس الدنيي دولاب طالع نازل عا دربو ..بالنزلة كترو الاصحاب وبالطلعة كلن هربو” ! حطيت علامة كاملة للكثافة المبسطة التي عبر بها !
مطلع أغنية الصبوحة أخد علامة الشاهد على اعتبار انه شعر محكي وخدم فكرة الطالب ..
7
عم يقولو إنو باللادقية تساوى عدد الذئاب مع الخراف ! كذب لاتصدقوا ..كل خروف بيطلعلو خمسين ديب والله
8
لو محمود درويش شرب مرة وحدة متة صباحية ،ماكان صرعنا بالقهوة